Մայիսի 14-ին Քասլիկի համալսարանի հայ ուսանողների նախաձեռնությամբ Հայկազյան համալսարանի Սփյուռքի հետազոտությունների կենտրոնի և Լիբանանում ՀՀ դեսպանության աջակցությամբ կազմակերպվեց հայկական մշակութային օր:
Բացման արարողությանը ելույթներով հանդես են եկել Լիբանանում ՀՀ դեսպան Աշոտ Քոչարյանը, Հայկազյան համալսարանի Սփյուռքի հետազոտությունների կենտրոնի տնօրեն Անդրանիկ Դակեսյանը, Քասլիկի համալսարանի ուսանողների հարցերով բաժնի փոխտնօրեն Խալիլ Աբուդը
Դեսպան Քոչարյանն իր ելույթում անդրադարձել է հայ ժողովրդի պատմությանը, մշակույթին և արվեստին:
Անդրանիկ Դակեսյանը խոսել է լիբանանահայության և նրանց դերի մասին հայ-լիբանանյան պատմական առնչությունների շառավիղում:
Համալսարանի տարածքում կազմակերպվել են ցուցահանդեսներ՝ հայ ոսկերիչների, գորգագործների և արհեստավորների մասնակցությամբ:
Ձեռնարկին ներկա են եղել համալսարանի տնօրինությունն ու ուսանողները, ինչպես նաև Ազգային Եղիշե Մանուկյան վարժարանի 11-րդ և Համազգայինի Մելանքտոն և Հայկ Արսլանյան Ճեմարանի 10-րդ դասարանների աշակերտները:
