Թուրքական Anadolu գործակալության փոխանցմամբ, նախագահ Աբդուլլահ Գյուլն անդրադարձել է սիրիական զարգացումներին.
«Մենք մշտապես շփումների մեջ ենք սիրիական ղեկավարության հետ: Թուրքիան փորձում է Սիրիային օգնել նրա ժողովրդի պահանջներին համապատասխանող բարեփոխումների իրականացման գործընթացում: Հուսով եմ, որ այդ բարեփոխումները Սիրիայում կանցկացվեն առանց հետագա արյունահեղության:
Մեր սահմանը հատել և մեզնից ապաստան են խնդրել արդեն իսկ 300 սիրիացի փախստականներ: Մեր կառավարությունը համապատասխան քայլեր է ձեռնարկել նրանց ընդունելու և տեղավորելու համար: Ես սիրիացիներին մաղթում եմ հնարավորինս շուտ հաստատել բազմակուսակցական քաղաքական համակարգ և ժողովրդավար կառավարություն:
Թուրքիան, բնականաբար, պատրաստ է նաև Սիրիայում իրավիճակի զարգացման հնարավոր վատթարագույն սցենարներին»:
Հիշեցնենք, որ Թուրքիան սիրիացի փախստականներին տեղավորելու համար «վրանային քաղաք» է հիմնել սահմանամերձ Հաթայ նահանգում (Ալեքսանդրետի սանջակ):
