Մայիսի 5-ին ՀՀ ԳԱԱ Բյուրականի աստղադիտարանում կանցկացվի Կրթության և գիտության նախարարության կողմից կազմակերպվող աստղագիտական օլիմպիադայի հանրապետական փուլը:
Օլիմպիադայի ընտրական փուլի արդյունքներով աստղագիտություն առարկայից ընտրվել են 30 աշակերտներ, որոնցից 20-ը` Երևանից, 3-ը` Գյումրիից, 4-ը` Կոտայքի մարզից, 2-ը` Արագածոտնի մարզից և 1-ը` Գեղարքունիքի մարզից: Երևանցի մասնակիցները ներկայացնում են մասնագիտացված դպրոցները. Քվանտ վարժարան՝ 8, Շահինյանի անվ. ֆիզմաթ դպրոց՝ 7, Ճարտարագիտական համալսարանի հենակետային վարժարան՝ 4 և Շիրակացու անվ. վարժարան՝ 1 աշակերտ:
Աստղագիտություն առարկայի օլիմպիադայի ժյուրիի նախագահն է աստղադիտարանի ավագ գիտաշխատող, ֆիզ.մաթ. գիտությունների թեկնածու Ա. Ա. Հակոբյանը:
Նշենք, որ այս օլիմպիադան միաժամանակ ընտրական է համարվում աստղագիտության միջազգային օլիմպիադայի համար, որն այս տարի կկայանա սեպտեմբերի 22-30-ը` Ղազախստանի Ալմաթի քաղաքում: