Parlux Fragrances պարֆյումերային հայտնի ընկերությունը ցանկանում է 20 մլն դոլար ստանալ հայտնի ռեփեր և պրոդյուսեր Ջեյ Զիից՝ նրա սեփական Gold Jay Z օծանելիքի պրոմո-արշավի խափանման համար: Ռեփերն ընդհանրապես չի զբաղվում արտադրանքը ներկայացնելով, թեև նրան արդեն դրա համար 2 մլն են վճարել: Այժմ ընկերությունը պահանջում է վերադարձնել այդ գումարը 18 մլն-ի հետ. հենց այդքան է նա գնահատել կատարողի անգործությունից կրած վնասը՝ հայտնում է spletnik.ru-ն:
Parlux Fragrances-ի ներկայացուցիչը հայտարարել է, որ Ջեյ Զին չի կատարում գրավոր համաձայնագրի պայմանները: Այսպես. ռեփերը չի մասնակցել իր օծանելիքի փիարի համար կարևոր միջոցառումներին (մասնավորապես, Good Morning America ծրագրին կամ Women’s Wear Daily-ի հարցազրույցին):
«Gold Jay Z-ի վաճառքը զգալիորեն նվազել է Ջեյ Զիի և նրա թիմի պատճառով: Նրանք հետաքրքրված չեն սեփական ապրանքանիշի գովազդով ու առաջխաղացմամբ»,- ասվում է Parlux-ի դատական փաստաթղթերում:
Բացի բավական մեծ գումարից՝ Parlux Fragrances-ը պահանջում է զրոյացնել Ջեյ Զիի հետ պայմանագիրը և նրանից վերցնել իր Perfumania Holdings Inc. դուստր ընկերության 300 հազար արժեթղթերը:
