Չինական իշխանությունները կինոռեժիսոր Չժան Իմոուին կասկածում են նրանում, որ նա 7 երեխայի հայր է այն դեպքում, երբ երկրում գործում են խիստ սահմանափակումներ երեխաների հարցում: Այս մասին, հղում կատարելով տեղի իշխանություններին, հայտնում է Reuters գործակալությունը:
Նրա նկատմամբ ստուգումներ են իրականացվում: Եթե Իմոուի բազմազավակության փաստը հաստատվի, նրան տուգանք է սպառնում, որը ելնելով վերջինիս եկամուտներից՝ կարող է կազմել 26 մլն դոլար:
Shanghai Daily-ի տեղեկություններով՝ Չժան Իմոուն 7 երեխա ունի՝ 4 տարբեր կանանցից: 2 որդի ու 1 դուստր նրանից ունեցել է դերասանուհի Չեն Տինը, որի հետ ռեժիսորն ամուսնացել է 2011 թ.։
Եվս 1 երեխա ունի նրա նախորդ կինը՝ Սյաո Խուան, իսկ մյուսներն արտամուսնական կապի արդյունք են:
Իմոուի 3 երեխաները ու նրա կինն իբր ապրում են նրա առաձնատանը, որը նա գնել է 1.6 մլն դոլարով:
Իմոուն Չինաստանմի ամենահայտնի ռեժիսորներից ու պրոդյուսերներից է: Նա Արևմուտքում հայտնի դարձավ «Թռչող դաշույնների տունը», «Ճանապարհ դեպի տուն» «Հերոսը» ու այլ ֆիլմերով:
Իմոուն բազմիցս արժանացել է Բեռլինի ու Վենետիկի կինոփառատոնների մրցանակների, բացի այդ՝ նրա 3 ֆիլմերն առաջադրվել են «Օսկար»-ի՝ «Լավագույն ֆիլմ» անվանակարգում:
