Մեծ Բրիտանիայի վարչապետ Դևիդ Քեմերոնն առաջին իսկ հնարավորության դեպքում մտադիր է Ռուսաստանի նախագահ Վլադիմիր Պուտինի հետ քննարկել ՌԴ Անվտանգության դաշնային ծառայության նախկին սպա Ալեքսանդր Լիտվինենկոյի մահվան գործով դատաքննության արդյունքները: Այս մասին հայտնել է Մեծ Բրիտանիայի ՆԳ նախարար Թերեզա Մեյը:
Քեմերոնը այդ հարցը կարծարծի Պուտինի հետ «առաջին իսկ հնարավորության դեպքում»,- նախարարի խոսքը մեջբերել է Daily Mail պարբերականը:
Լիտվինենկոյի մահվան գործով բաց հետաքննությունը նախագահող Ռոբերտ Օուենը հունվարի 21-ին ներկայացրել է զեկույց, որում Անվտանգության դաշնային ծառայության նախկին աշխատակցի մահվան համար պատասխանատվությունը դրել է Ռուսաստանի վրա:
Մոսկվայում Մեծ Բրիտանիայի դիրքորոշումը որակել են ֆարս, զեկույցը՝ քաղաքական դրդապատճառներով պայմանավորված, իսկ բրիտանական հետաքննության գործընթացը՝ ոչ թափանցիկ։
