Ամերիկյան հատուկ ստորաբաժանումները չեն կարողացել հասցնել օգնության գալ Բենղազիում ԱՄՆ հյուպատոսության աշխատակցիներին՝ 2012 թ. սեպտեմբերի 11-ին զինյալների հարձակման ժամանակ։ Այս մասին հայտարարել է ԱՄՆ պաշտպանության նախարարի օրենսդրական գործերով օգնական Էլիզաբեթ Քինգը: Այս մասին հայտնում է RIA Novosti-ն:
ԱՄՆ Պետդեպարտամենտի երեք աշխատակիցները հանդես կգան այսօր Կոնգրեսում, որպեսզի վկայություններ տան Լիբիայի Բենղազի քաղաքում ամերիկյան հյուպատոսության վրա զինված հարձակման գործով:
Լսումների նախօրեին ԶԼՄ-ներում տեղեկություն հայտնվեց որ հատուկ գործողությունների մարտիկները հապաղել են հասնել դեպքի վայր ու կանխարգելել դիվանագիտական ներկայացուցչության վրա հարձակման երկրորդ գրոհը:
Հանրապետական կոնգրեսմեն Էլայջե Կամինգսին ուղղված նամակում Քինգը պնդում է, որ երբ սկսվել է հարձակումը, մարտիկները Խորվաթիայում զորավարժությունների են եղել:
Բենղազիում ԱՄՆ դիվանագիտական ներկայացուցչության վրա հարձակման հետևանքով սպանվել էին Լիբիայում ԱՄՆ դեսպան Քրիստոֆեր Սթիվենսն ու ևս երեք աշխատակիցներ:
ԱՄՆ վարչակազմը պատահարից հետո ենթարկվեց բազմաթիվ քննադատությունների։ Կոնգրեսմենները պնդում են, որ իշխանությունները կեղծ տեղեկություն են տարածել կատարվածի մասին, իսկ հարձակման նախօրեին չեն ուժեղացրել անվտանգության միջոցառումները՝ անտեսելով դիվանագետների բազմաթիվ հարցումները:
