Զբոսաշրջիկների շրջանում հայտնի մի շարք արգենտինական լողափեր, որոնք մոտ են մայրաքաղաք Բուենոս Այրեսին, ամռան արձակուրդների թեժ սեզոնին փակվել են՝ թունավոր օձերի «հաղթարշավի» պատճառով։ Այս մասին հայտնում է BBC-ն։
Իշխանությունների խոսքով՝ օձերին հայտնաբերել են ջրաշուշանների տակ, որոնք բերվել են վերջերս երկրի հյուսիս-արևելքին պատուհասած ջրհեղեղի հոսանքների կողմից։
Զբոսաշրջիկներին և այլ հանգստացողների խորհուրդ է տրվել չլողալ Կիլմեսի լողափերում և այդ շրջանում վրաններ չամրացնել։
Երկրի հյուսիսի Ռոզարիո քաղաքի գետափերը նույնպես փակել են։ Տեղի բնակիչներն այնտեղ նկատել են ջրասամույր, վարազ, աղվես, օձեր, կարիճներ և միջատներ։
