Մուսուլման կնոջը հեռացրել են ԱՄՆ նախագահի պաշտոնին հավակնող Դոնալդ Թրամփի նախընտրական հանրահավաքից, որը տեղի է ունեցել Հարավային Կարոլինա նահանգի Ռոք Հիլլ քաղաքում: Այս մասին հաղորդում է Daily Mail-ը:
Նշվում է, որ 56-ամյա Ռոուզ Համիդը գնացել էր հանրահավաքի սիրիացի փախստականներին պաշտպանելու համար, որոնց միլիարդատերը մեղադրում է ԴԱԻՇ ահաբեկչական խմբավորման հետ կապերի մեջ:
Ելույթի ժամանակ երբ Թրամփը շոշափել է սիրիացի ներգաղթյալների թեման, հիջաբով և «Սալամ, ես խաղաղությամբ եմ եկել» մարզաշապիկով կինը լուռ կանգնել է: Դրանից անմիջապես հետո հանրահավաքի մասնակիցները սուլել են կնոջը, իսկ ոստիկանները նրան հեռացրել են սրահից: Թրամփի որոշ կողմնակիցներ բացականչել են, որ նրա մոտ ռումբ կար:
«Մեզ վրա է ուղղված անհավանական ատելություն: Դա նրանց ատելությունն է, ոչ թե մերը»,- կնոջը հեռացնելուց հետո հայտարարել է Թրամփը:
Ամերիկա-իսլամական հարաբերությունների խորհուրդը ԱՄՆ նախագահի պոտենցիալ թեկնածուին կոչ է արել ներողություն խնդրել լուռ բողոքող մուսուլման կնոջից:
Խորհրդի հայտարարության մեջ ասվում է, որ Ռոուզ Համիդի նկատմամբ գործողությունները «ամերիկացի մուսուլմաններին հղում են վախեցնող հաղորդագրություն»:
