Հարյուրավոր ցուցարարներ կիրակի հավաքվել էին Թեհրանում Սաուդյան Արաբիայի դեսպանատան մոտ, որը նախօրեին ենթարկվել էր հարձակման սաուդյան իշանությունների կողմից շիա հոգևորական Նիմր ալ-Նիմրի մահապատժի պատճառով մարդկանց դժգոհության ֆոնին։ Այս մասին հայտնում է Associated Press-ը։
Քաղաքային իշխանությունները ցուցարարներին կոչ էին արել ցույցն անցկացնել մայրաքաղաքի կենտրոնի հրապարակներից մեկում, ոչ թե դեսպանության առջև, սակայն մոտ 400 մարդ արհամարհել էր կոչը։ Ցուցարարները, դիմելով Սաուդյան Արաբիայի թագավորական դինաստիային, վանկարկել են՝ «մահ Ալ-Սաուդին»։
Շաբաթ օրը Սաուդյան Արաբիայի ՆԳՆ-ն հայտարարել էր ահաբեկչության համար 47 մարդու մահապատժի ենթարկելու մասին։ Նրանց թվում է եղել նաև շիա հոգևորական Ան-Նիմրը, ինչը հարուցել է իրանցիների դժգոհությունը։
Քարոոզիչը Սաուդյան իշխանությունների կողմից ձերբակալվել է 2012 թվականին՝ երկրի արևելքում ցույցերի ժամանակ։ 2014-ին նա դատապարտվել էր մահապատժի՝ ատելության հրահրման և իրավապահների վրա հարձակումների նպատակով ահաբեկչական բջջի ստեղծման համար։
