Երևանի կենդանաբանական այգու նորանշանակ տնօրեն Ռուբեն Խաչատրյանը այսօր լրագրողներին է ներկայացրել կենդանաբանական այգու առաջիկա անելիքները: Առաջին կարևոր ձեռքբերումը, տնօրենի խոսքերով, եվրոպական կենդանաբանական այգիների և ակվարիումների ասոցիացիայի անդամ դառնալն է: Քսան տարիների ընթացքում, ըստ նրա, շատ խնդիրներ են առաջացել, որոնք ոչ միայն ֆինանսավորման, այլ նաև զուտ մոտեցման խնդիրն են եղել:
Նորանշանակ տնօրենը կարևոր ձեռքբերում է համարում եվրոպական կենդանաբանական ասոցիացիայի անդամ դառնալը: Արդեն բարձրակարգ անասնաբույժեր են եկել, և առաջին օգնությունն են ցույց տվել մի քանի կենդանիների, նաև կենդանիների պահպանությամբ զբաղվող մասնագետներ են եկել, որոնք առաջիկա մի քանի շաբաթների ընթացքում կլինեն Երևանում, իրենց փորձը կկիսեն և կօգնեն կենդանիներին ավելի պրոֆեսիոնալ օգնություն ցուցաբերելու հարցում:
Ամստերդամի կենդանաբանական այգու տնօրեն Հայկ Բալյանը ընդգծեց, որ մեր տարածքը և մեր բնությունը մեզ թույլ են տալիս ունենալ լավ կենդանաբանական այգի ողջ կովկասյան տարածաշրջանում, որովհետև մենք ունենք բացառիկ կենդանատեսակներ, բացառիկ բուսական աշխարհ, և լիովին հնարավոր է, որ մի քանի տարի հետո այն դառնա տարածաշրջանի լավագույն կենդաբանական այգիներից մեկը:
Հ. Բալյանը նշեց, որ Եվրոպական կենդանաբանական այգիների ասոցիացիայի կազմումընդգրկվելու համար փոփոխություններ են անհրաժեշտ` կապված կենդանիներինճաղավանդակներում և բետոնե ծածկույթներում պահելու խնդրի, ամենակարևորը` կենդանիներով բիզնեսն արգելելու խնդիրների հետ, ինչը, փաստորեն,նախկին տնօրենի օրոք առկա է եղել:
Ըստ նրա`ինչ-որ աստիճանի հասնելու համար 5 տարի է անհրաժեշտ, և այդ տարիների ընթացքում ասոցիացիայի անդամ կենդանաբանական այգիները իրենց գիտելիքներով, մասնագետներով օգնելու են, որպեսզի հասնենք ինչ-որ մակարդակի, քանի որ մինչև հիմա աշխատանքները կանոնակարգված չեն եղել, կանոնակարգված չի եղել նաև կենդանիների բազմացումը: «Կարևոր է առաջին հերթին՝ ինչ կոնցեպտով ես աշխատում»,-նկատեց Ռուբեն Խաչատրյանը:
Հայկ Բալյանը փաստեց, որ 2002-ին առաջին անգամ եղել է Կենդանաբանական այգում և դրանից հետոփորձել է որևէ կերպ համագործակցել, աջակցել, բայց շատ դժվար է եղել կապ հաստատել կենդանաբանական այգու հետ: Համակարգիչներ են ուղարկվել, որոնք անհասականալի ձևով անհետացել են, և իրականում խնդիրնայն է, որ զարգացման համար անհրաժեշտ է ունենալ գաղափարներ, հստակ ծրագիր, որը նախկինում չի եղել, և դա է պատճառը, որ համագործակցությունը որևէ կերպ չի ստացվել: «Նոր համակարգին անցումը միշտ էլ շատ դժվար է, բայց պետք է կարողանալ հաղթահարել, նայել առաջ և նորովի կառուցել աշխատանքները: Մի նայեք հետ, նայեք առաջ»,-եզրափակեց Հայկ Բալյանը:
