Սիրիայի նախագահ Բաշար Ասադը համարվում է Սիրիայի իրավիճակի լուծման մասը, հայտարարել է Չեխիայի նախագահ Միլոշ Զեմանը, հանդես գալով Prima TV-ում:
«Ասադը որոշման բաղկացուցիչ մասն է (Սիրիայի իրավիճակի): Եթե ինչ-որ մեկը ցանկանում է փոխել Ասադին, ապա պետք է առաջարկի՝ ումով նրան փոխարինել, որպեսզի չպատահի այնպես, ինչպես Լիբիայի և Իրաքի հետ»,- հայտնել է Զեմանը:
Չեխիայի նախագահը նաև դեմ է արտահայտվել իսլամիստների դեմ պայքարում ցամաքային գործողություններին, որը նրա կարծիքով կարող է վերջանալ այնպես, ինչպես Իրաքում: «Ոչ մի տանկ, ոչ մի հետևակ, այլ միայն դրոններ, կոմանդոս, ուղղաթիռներ»,- ասել է Զեմանը:
Սեպտեմբերի վերջին ելույթ ունենալով Նյու Յորքում ՄԱԿ-ի Գլխավոր ասամբլեայում՝ Չեխիայի նախագահը առաջարկել է ՄԱԿ-ի հովանու տակ ստեղծել ոչ մեծ միջազգային ստորաբաժանումներ, այսպես կոչված «կոմանդոս»` ահաբեկչական կազմակերպություններին, ներառյալ ԴԱԻՇ-ի առաջնորդներին և «նյարդային կենտրոններին» չեզոքացնելու համար:
Զեմանի կարծիքով՝ այդպիսի ստորաբաժանումները հենված կլինեն տարբեր երկրների հատուկ ծառայությունների համագործակցության վրա, ավելի մեծ շանսեր կունենան հաջողության հասնելու, քան ահաբեկիչների գրաված տարածքների դասական օկուպացիան: