Գիտնականները մերձերկրյա ուղեծրում ծրագրում են փորձարկել շաքար արտադրող գենետիկորեն մոդիֆիկացված մանրէներ՝ որպես ավտոնոմ սննդի աղբյուր ապագա տիեզերական թռիչքների համար: Այս մասին գրում է Rosbalt-ը:
Միկրոօրգանիզմները ուղեծիր կուղարկվեն գերմանական Eu. CROPIS արբանյակով 2017-ին՝ ստուգելու համար, թե ինչպես են դիմանում արձակմանը, տիեզերական ճառագայթմանը և ցածր ձգողականությանը: Արբանյակն ուղեծրում կանցկացնի կես տարի:
Փորձարկվող համակարգի հիմքում ընկած է Anabaena պլանկտոնը: Այդ օրգանիզմները շաքար են արտադրում ածխածնի երկօքսիդից, ջրից և արևի լույսից: