Մինեսոտային համալսարանի գիտնականները պարզել են, որ մարդիկ կարող են լսել ավելի բարձր հաճախականություն ունեցող երաժշտության, քան մինչև հիմա կարծում էին մասնագետները: Գիտնականների հոդվածը հայտնվել է Proceedings of the National Academy of Sciences ամսագրում, իսկ նրա մասին հակիրճ տպագրվել է New Scientist պարբերականում:
Նոտայի ձայնը, որը դուրս է գալիս երաժշտական գործիքից, իրենից ներկայացնում է մի քանի հաճախականությունների վրա գտնվող ձայնային ալիքների համախումբ: Ալիքի մինիմալ բարձրությունն անվանվում է ֆունդամենտալ տոն, իսկ մնացածները (հարմոնիկաները)` օբերտոն: Համաձայն ավելի վաղ արված հետազոտությունների, մարդը չի կարող տարբերել երաժշտությունը, ֆունդամենտալ տոները, որոնք 5 կիլոհերցից ավելի են:
Հետազոտությունների շրջանակում 6 հոգուց բաղկացած կամավորների խմբին առաջարկվում էր լսել երկու երաժշտություն և որոշել, տարբեր են նրանք, թե ոչ: Յուրաքանչյուրը բաղկացած էր 4 նոտայից, և ձայնն այնպես էր արված, որ նրա ֆունդամենտալ տոները ցածր էին 2 կիլոհերցից, իսկ օբերտոնները 6 կիլոհերց և ավելի էին: Հետազոտության մասնակցածները հեշտությամբ ընկալում էին այս ձայները:
Դրանից հետո գիտնականները համակարգչի օգնությամբ հեռացրին ֆունդամենտալ տոները երաժշտությունից` թողնելով միայն 6 կիլոհերցից բարձր հարմոնիկները: Փորձի մասնակիցներն այս անգամ ևս կարողանում էին լսել երաժշտությունը: Գիտնականների կարծիքով, նոր փորձը ցույց է տալիս, որ բարձր տոնայնությունների ժամանակ «խլության» պատճառ կարող է լինել ոչ թե ֆիզիոլոգիական, ինչպես ավելի վաղ էին կարծում, այլ ընդամենը սովորությունն ու մարզվածությունը:
