Չորեքշաբթի Նյու Յորքում ՄԱԿ-ի կենտրոնակայանում տեղի է ունեցել ՄԱԿ-ի գլխավոր քարտուղարին կից Միջազգային ավտոմոբիլային ֆեդերացիայի ճանապարհային երթևեկության անվտանգության հարցերով բարձր մակարդակով խմբի առաջին նիստը: Այս մասին հայտնում է TASS-ը:
Հանդիպման ընթացքում ընդունվել է 10-կետանոց հռչակագիր, որոնք կօգնեն հասնել կայուն զարգացման հիմնական նպատակներից մեկին, որոնք ընդունվել են ՄԱԿ-ի գագաթնաժողովում սեպտեմբերին. այն է՝ մինչև 2020թ. մահացությունը ճանապարհներին կիսով չափ կրճատել, մինչև 2030թ. ապահովել երթևեկության անվտանգությունը քաղաքներում:
Փաստաթղթում նշված միջոցառումները, մասնավորապես, նախատեսում են ոչ սթափ վիճակում ավտոմեքենա վարելու դեմ պայքար՝ ալկոհոլային ինդուստրիայի ներգրավմամբ, արագության ռեժիմի վերահսկողության կատարելագործում, օրենսդրության արդյունավետության բարձրացում, Գլոբալ հիմնադրամի ստեղծում՝ ճանապարհների անվտանգության համար, փոխգործակցություն մասնավոր սեկտորի հետ, գործողությունների համակարգման ուժեղացում ինչպես միջազգային, այնպես էլ ազգային մակարդակներում:
Հռչակագրում նշված է նաև ենթակառուցվածքի բարելավման անհրաժեշտությունը, քանի որ բոլոր դժբախտ դեպքերի 50%-ը տեղի է ունենում ճանապարհների 10% հատվածներում:
