Ռուս միլիարդատեր Վլադիմիր Շերբակովը որոշել է քանդել Sunny Heights առանձնատունը, որը պատկանել է լեգենդար The Beatles-ի անդամ Ռինգո Սթարին: Այս մասին հայտնում է The Daily Mail-ը:
Տունը գտնվում է Վեյբրիջ քաղաքում: Այն տասնամյակներ եղել է խմբի երկրպագուների ուխտագնացության վայր: Հիմա նրա տերը՝ Վլադիմիր Շերբակովը, մտադիր է դրա տեղում նոր՝ ավելի շքեղ առանձնատուն կառուցել:
«Բոլոր տերերը երաժշտական ժառանգության այդ վայրին հարգանքով են վերաբերվել, մինչև այն 2013 թ. 9 մլն դոլարով գնեց ռուս օլիգարխ Շերբակովը»,- գրում է թերթը:
Ընդ որում՝ Շերբակովին վերակառուցման թույլտվություն տվել է տեղի քաղաքապետարանը: Այս լուրի հետ կապված՝ շատ բրիտանացիներ և ամերիկացիներ չափազանց վրդովվել են:
Ռինգո Սթարը Sunny Heights-ը գնել է 1965 թ. 57 000 դոլարով: Այնտեղ The Beatles խմբի անդամներն առանձնացել են հանրությունից, ֆոտոշարքեր են կազմակերպել: 1968 թ. Սթարը տեղափոխվել է, և առանձնատանը ապրել են Ջոն Լենոնը և նրա կինը՝ Յոկո Օնոն: Երկու տարի անց նրանք ևս վաճառել են տունը:
