Գյումրու նախկին քաղաքապետ Վարդան Ղուկասյանի գրասենյակը պատասխանել է նոյեմբերի 3-ին մամուլում և կայքերում տարածված այն տեղեկատվությը, թե Գյումրու նախկին քաղաքապետ Վարդան Ղուկասյանի եղբոր որդին նախօրեին կրակոցներ է արձակել Գյումրու այգու տարածքում:
Այդօրինակ բամբասանքները շրջանառության մեջ են դրվում մեկ օրվա կյանքի համար և հորինվում են այն կոնկրետ անձանց կողմից, ովքեր փորձում են Ղուկասյաններին ներքաշել ինչ-ինչ քրեական պատմությունների մեջ:
Ի դեպ, այն որ այսօրինակ “ լուրերի” պակաս առաջիկայում չի լինելու, հրապարակավ նախազգուշացնում էին հայտնի մի շարք գործիչներ: Պարզապես պարզ չէր, թե որ լրատվամիջոցն էր ստանձնելու հերյուրանքների տարածումը:
Որոշ լրագրողներ և լրատվամիջոցներ գտնում են, որ զրպարտելով կարելի է կայանալ, սենսացիաներ ստեղծելով և դրանք բազմացնելով կարելի է անկախ լրատվության պատրանք ստեղծել: Մինչդեռ, երբ 2007 թվականին Գյումրու նախկին քաղաքապետի դեմ իրականացվեց մահափորձ, որին զոհ գնացին Վ.Ղուկասյանի 4 ընկերները, լրատվամիջոցները որևէ նախաձեռնություն հանդես չբերեցին բացահայտելու , թե ինչու կասեցվեց գործի քննությունը, և ովքեր էին այդ ամենի ետևում կանգնած:
Ուստի կարելի է եզրակացնել, որ Ղուկասյաննների ընտանիքին վերաբերող ստահոդ տեղեկությունների ստեղծումն ու սփռումը աղերսվում է չբացահայտված այդ մահափորձի պատվիրատուների , այս դեպքում` Ղուկասյանների ընտանիքի դեմ լրատվական նախահարձակ արշավի կազմակերպման հետ: Ստացվում է`արյունոտ ձեռքերը ունեն նաև սպասարկուներ:
