Ապրիլի 9-ին հայտնի ֆրանսիացի դերասան Ժան Պոլ Բելմոնդոն նշում է ծննդյան 80-ամյակը: Չնայած այն բանին, որ 2001 թվականից դերասանը հազվադեպ է նկարահանվում կինոյում և հանդես է գալիս թատրոնում, նա մնում է Ֆրանսիայի ամենահայտնի և սիրված դերասաններից մեկը: Այս մասին հայտնում է Vesti-ն:
Բելմոնդոյի ստեղծագործական դեբյուտը կայացել է Փարիզում՝ 1950 թվականին, երբ նա արքայազնի դերով հանդես եկավ «Քնած գեղեցկուհին» ներկայացման մեջ: Նա մեծ ճանաչում է ձեռք բերել միայն 10 տարի անց՝ «Վերջին շունչ» (À bout de souffle) ֆիլմում նկարահանվելուց հետո: 1970-ականներին նա նկարահանվել է մարտաֆիլմերում և կատակերգություններում: Նշվում է, որ ֆիլմերում գրեթե բոլոր հնարքները նա անձամբ է իրականացրել:
Նա հանդես է եկել նաև թատերական ներկայացումներում: 1991 թվականին Բելմոնդոն հիմնել է իր սեփական թատրոնը՝ «Վարիետեն»:
2008 թվականին տևական դադարից հետո հայտնի դերասանը նկարահանվել է «Մարդը և նրա շունը» ֆիլմում, որը ռեժիսոր Ֆրանսիս Յուսթերը ստեղծել է հատուկ նրա համար:
Բելմոնդոյին շնորհվել են Ֆրանսիայի պատվավոր լեգիոնի և «Արվեստի և գրականության ոլորտում ավանդի համար» շքանշաններ:
