Ռուսական TASS լրատվական գործակալության փոխանցմամբ՝ Սիրիայի հակամարտության կարգավորումը հնարավոր է միայն քաղաքական ճանապարհով՝ շահագրգիռ բոլոր կողմերի մասնակցությամբ։ Դրա մասին նշված է ԵՄ-ի արտաքին քաղաքական ծառայության տարածած հայտարարությունում։
Հայտարարությունը տարածվել է ԵՄ-ի դիվանագիտության ղեկավար Ֆեդերիկա Մոգերինիի ու Իրանի փոխարտգործնախարար Հոսեին Ամիր Աբդոլահիանի հանդիպման արդյունքներով։
Հայտարարության մեջ նշված է, որ հանդիպման արդյունքներով ձեռք է բերվել պայմանավորվածություն, որ միայն բոլոր կողմերի մասնակցությամբ քաղաքական ճանապարհը կարող է հանգեցնել Սիրիայի հակամարտության կայուն կարգավորմանը, ինչի հետ կապված՝ անհրաժեշտ են միջազգային խաղացողների ու համապատասխան տարածաշրջանային ջանքերը։
Կողմերը հաստատել են, որ մտադիր են ակտիվորեն աջակցել Սիրիայի հետ հարցերով ՄԱԿ-ի գլխավոր քարտուղար Ստեֆան դե Միստուրայի ղեկավարության ներքո անցկացվող քաղաքական գործընթացին։ Հայտարարության համաձայն՝ հանդիպման ժամանակ քննարկվել է այն սարսափելի հումանիտար վիճակը, որը գոյություն ունի Սիրիայում։
