Մաշկի վրա մրջյունների վազվզոց, վերջավորությունների նուրբ դող և սրտի զարկերի արագացում. այդ անսովոր ֆիզիկական զգացողությունները հայտնի են համարյա բոլորին: Դրանք ստացել են ֆրիսոն անունը, ինչը ֆրանսերենից թարգմանած նշանակում է դողալ: Ոմանք այնքան են գրգռվում, որ գիտնականներն այդ երևույթը հաճախ անվանում են «մաշկային օրգազմ», հայտնում է BBC-ն:
Հաշվի առնելով, որ ֆրիսոնը մի շարք առավելություններ ունի, օրինակ՝ կարող է նվազեցնել ցավերը և արթնացնել ուրիշներին օգնելու ցանկություն, այդ ընդունակությունը արժե զարգացնել և վայելել կյանքի հասարակ ուրախությունները:
Ինչպես ֆրիսոն զգալ
-Երաժշտություն: «Մաշկային օրգազմ» առաջացնող հայտնի երաժշտական ստեղծագործություններից են Ադելի Someone Like You երգը, Սերգեյ Ռախմանինովի №2 դաշնամուրային կոնցերտը նվագախմբի հետ, Oasis խմբի Wonderwall երգը:
-Հատուկ ձայներ: Տարբեր ձայներ` տերևների խշխշոցից մինչև եգունգների խրթխրթոցը գրատախտակի վրա:
-Համ: Կտրուկ համերը որոշ մարդկանց մեջ առաջացնում են ֆիզիկական զգացողություններ:
-Կինոնկարներ: Տարբեր մարդկանց մեջ տարբեր կինոնկարներ ֆիզիկական զգացողություններ են առաջացնում:
-Հպում: Նուրբ, զգայական մերսումը շատերին է հաճույք պատճառում:
