Ռուսական «Վզգլյադ» թերթի փոխանցմամբ՝ Վրաստանի փոխվարչապետ, էներգետիկայի նախարար Կախա Կալաձեն այսօր ցանկություն է հայտնել, որ իր երկիրը ստանա ավելի շատ ռուսական գազ։ Կալաձեն լրագրողների հետ զրույցում հայտարարել է. «Մեր հիմնական մատակարարը Ադրբեջանն է, սակայն այդ երկրից մատակարարումների որոշակի ծավալի համար կան մի շարք խնդիրներ։ Եթե մենք կարողանանք ստանալ ավելի շատ ռուսական գազ՝ բնականաբար, մրցունակ գներով, որը մրցակցություն կծավալի ադրբեջանական գազի հետ, ապա դա կլինի շատ լավ»։
Կալաձեն հայտնել է, որ Բրյուսելում ռուսական մատակարարումների մեծացման հարցերը քննարկել է կոմերցիոն օպերատորների, մասնավոր ընկերությունների հետ. «Մեզ համար սկզբունքորեն կարևոր է, որպեսզի (տարանցիկ) ուղղվածությունը մեծացվի»։
