LEGO ընկերությունը հերքել է Ավստրիայի թուրքական մշակութային հասարակության պահանջի պատճառով «Աստղային պատերազմներ» շարքից «Ջաբբայի պալատ» փաթեթը վաճառքից հանելու տեղեկությունները: Այս մասին ընկերությունը հայտնել է իր կայքում զետեղված մամլո հաղորդագրության մեջ՝ փոխանցում է Lenta.ru-ն:
Ընկերությունը հաստատել է, որ կոնստրուկտորը վաճառքից կհանվի 2013-ի վերջին, սակայն ընդգծել է, որ արտադրության ավարտի ժամկետը սահմանված է ավելի շուտ: Ինչպես բացատրվում է մամլո հաղորդագրության մեջ, «Աստղային պատերազմներ» շարքից LEGO-ի կոնստրուկտորների «կյանքի ցիկլը» կազմում է 1-3 տարի:
Դանիական ընկերությունը ընդգծել է, որ «Ջաբբայի պալատի» պատկերը հիմնված է «Աստղային պատերազմների» մտացածին ամրոցի վրա, այլ ոչ թե իրականում Ստամբուլում գոյություն ունեցող մզկիթի, ինչպես պնդում է Ավստրիայում թուրքական համայնքը:
