Ռուսական RIA Novosti լրատվական գործակալության փոխանցմամբ՝ ՆԱՏՕ-ն օժտված է այնպիսի ենթակառուցվածքով, որն անհրաժեշտ է դաշինքի հարավային բնագծերին արագ արձագանքման ուժեր տեղակայելու համար։ Այդ մասին ՆԱՏՕ-ի անդամ երկրների պաշտպանության նախարարների նիստից առաջ լրագրողների հետ զրույցում հայտարարել է ՆԱՏՕ-ի գլխավոր քարտուղար Յենս Սթոլթենբերգը:
«Մեր զորահրամանատարները հաստատել են, որ մենք արդեն իսկ ունենք հզորություններ ու ենթակառուցվածքներ, որոնք անհրաժեշտ են հարավում ՆԱՏՕ-ի արագ արձագանքման ուժեր տեղակայելու համար»,- ասել է նա։
Ավելի վաղ դաշինքը որոշում է ընդունել արագ արձագանքման ուժերի թվակազմը մինչև 40.000 մարդու հասցնելու մասին։
