Ճապոնացի գիտնականները կարողանում են արդեն մեծ ճշգրտությամբ պարզել, թե մարդը ինչ է տեսնում երազում: Այս մասին են վկայում Կիոտոյի Էլեկտրոնային կապի տարրական տեխնոլոգիաների միջազգային ինստիտուտի հետազոտական խմբի անցկացրած ուսումնասիրությունների արդյունքները: Այս մասին հայտնում է ITAR-TASS-ը:
Փորձին մասնակցել են 3 կամավոր տղամարդ: Նրանք քնել են, իսկ հետազոտողները ուղեղի էլեկտրամագնիսական գործունեության բնույթից որոշել են, թե այդ մարդիկ ինչ են տեսնում երազում: Նրանց անմիջապես արթնացրել են և խնդրել պատմել երազը: Այդպես կրկնվել է ավելի քան 200 անգամ:
Աստիճանաբար փորձագետները կարողացել են պարզել, թե երազում որ պատկերին է համապատասխանոմ ուղեղի աշխատանքի այս կամ այն մոդելը, որը ֆիքսվել է մագնիսա-ռեզոնանսային սկանավորման միջոցով: Արդյունքում հայտնաբերվել են 60 տեսակի օրինակ:
Գիտնականները ենթադրում են, որ հետազոտությունը կօգնի հեռանկարում պարզել, թե ինչու է մարդը երազներ տեսնում, և ինչով են դրանք պայմանավորված: Փորձագետները չեն բացառում, որ ապագայում դա թույլ կտա մշակել հոգեկան խանգարումների և դեպրեսիայի պրոֆիլակտիկայի և բուժման նոր մեթոդներ:
