Ռուսական RIA Novosti լրատվական գործակալության փոխանցմամբ՝ ռուսական 7 ավիաընկերություն իրազեկում է ստացել Ուկրաինա թռիչքների արգելքի մասին։ Այդ մասին հայտարարել է Ռուսաստանի տրանսպորտի նախարար Մաքսիմ Սոկոլովը:
«Ուկրաինացիներն արդեն իսկ մեր ավիաընկերություններին իրազեկել են, որ հոկտեմբերի 25-ից նրանք չեն կարող թռչել Ուկրաինայի օդային տիրույթով։ Դրան համապատասխան «Ռոսավիացիային» հանձնարարել եմ, որ համանման հաղորդագրություն ուղարկվի նաև ուկրաինական ավիաընկերություններին՝ հոկտեմբերի 25-ից։
Մենք հարկադրված ենք պատասխան քայլ ձեռնարկել նաև մեր երկկողմ օդային հաղորդակցության պլանում։ Ներկայումս 5 ուկրաինական ավիաընկերություններ թռչում են Ռուսաստանի տարածքով կամ էլ ներկայացրել են համապատասխան հայտ»,- ասել է Սոկոլովը:
