«Ամերիկայի գետնընկույզի կորպորացիա»-ի նախկին նախագահ Ստյուարտ Փարնելը դատապարտվել է 28 տարվա ազատազրկման՝ սալմոնելոզի բռնկման մեղադրանքով, որը 2008-209 թվականներին դարձել է 9 մարդու մահվան պատճառ: Այս մասին հաղորդում է BBC-ն:
Ինչպես պնդում է դատախազությունը, Փարնելը կեղծել է լաբորատոր հետազոտությունների արդյունքները և չի դադարեցրել վարակված ընկույզի յուղի մատակարարումը սպառողներին:
Դաշնային տեսչությունը կարողացել է պարզել, որ վարակման աղբյուրը եղել է մեղադրյալին պատկանող Ջորջիա նահանգում գտնվող գործարանը, որտեղ հայտնաբերվել են նաև առնետներ, խավարասերներ և տանիքում՝ ճեղքեր:
Հետաքննության տվյալներով՝ այս ամենը կարող էր դառնալ վարակի տարածման պատճառ:
Դատարանի դահլիճում Փարնելը զղջացել է և ներողություն խնդրել զոհերի հարազատներից:
