Վրաստանի նախագահ Միխեիլ Սաակաշվիլին մտադիր է հուշեր գրել, երբ դառնա 90 տարեկան: Ինչպես հաղորդում է «Գրուզիա Օնլայն»-ը, այս մասին Սաակաշվիլին հայտարարել է «Իմեդի» հեռուստաընկերությանը տված հարցազրույցի ժամանակ:
«Ժողովրդին պետք են շատ կոնկրետ իրեր: Այսօր մեր ուշադրությունը տեղափոխել են այն բանի վրա, որ եթե ինչ-որ վատ բան տեղի ունենա, ապա դրա մեղքն իրենցն է, ասում են` հիշեք մայիսի 26-ը, նոյեմբերի 7-ը, իրենց մեղքով է եղել: Այդ ամենն անցյալում է, և մենք նորից դեպի անցյալ ենք գնում: Ես չեմ եկել անցյալի մասին խոսելու: Ես սպառիչ հուշեր կգրեմ, երբ 90 տարեկան դառնամ»,- ասել է Սաակաշվիլին:
«Սակայն եկեք խոսենք այն մասին, թե ինչ է տեղի ունենում այսօր: Այսօր շատ լուրջ խնդիրներ են առկա, և խոսակցությունը պետք է լինի դրա մասին»,- հայտարարել է Սաակաշվիլին:
