Կիպրոսի իշխանությունները պետք է իրենց ավանդը ներդնեն երկրի տնտեսության փրկության ծրագրում՝ հայտարարել է Ֆրանսիայի նախագահ Ֆրանսուա Օլանդը Կիպրոսի նախագահ Նիկոս Անաստասիադիսի հետ հեռախոսազրույցում: Այս մասին հայտնում է RIA Novosti-ն:
Երեկ Կիպրոսի խորհրդարանը դեմ է քվեարկել կիպրական բանկերի դեպոզիտների մեկանգամյա հարկման՝ Եվրախմբի պահանջին: Հարկման շնորհիվ Կիպրոսի բյուջեն 5.8 մլրդ եվրո կստանար ֆինանսական համակարգը փրկելու համար: Եվրախումբը հայտարարել էր, որ եթե Կիպրոսի կառավարությունը նման գումար հավաքի, ապա 10 մլրդ եվրո վարկ կստանա:
«Նախագահն ընդգծել է երկարաժամկետ լուծման և Կիպրոսի համաձայնեցված ավանդի կարևորությունը տնտեսության փրկության ծրագրում»,- ասվում է Ելիսեյան պալատի տարածած հաղորդագրության մեջ:
Եվրախմբի պահանջի մերժմանը կհաջորդեն նախագահի հանդիպումները խորհրդարանի և կառավարության հետ:
