Դավիթաշեն վարչական շրջանի 4-րդ թաղամասի թիվ 22, 23 և մի քանի այլ շենքերի բնակիչները ահազանգել էին՝ տեղեկացնելով, որ Ազգային ժողովի պատգամավոր, Ռուբեն Գևորգյանի՝ Ծաղիկ Ռուբոյի ազգականը իրենց շենքերի մոտ փորձում է շինություն կառուցել՝ առանց բնակիչների հետ համաձայնեցնելու դրա ծավալը: Սա այն պարագայում, երբ նախորդ տարի վարչական շրջանի ղեկավարը վստահեցրել էր, որ կփոխեն շինարարական նախագծում հաստատված ծավալը, քանի որ ըստ բնակիչների՝ իրենց մուտքը փակվում է. մեքենաներն անցուդարձ չեն կարող անել. «Եթե հանկարծ նշված շենքերում արտակարգ դեպքեր տեղի ունենան, ո՛չ ԱԻՆ-ը, ո՛չ Շտապ օգնության մեքենան չեն կարող անցնել»,- «Առաջին լրատվական»-ի հետ զրույցում վստահեցրին նրանք:
Բնակիչները նաև պատմեցին, որ դիմել են քաղաքապետարան, պատասխան են ստացել, որ կառուցապատողը պետք է նախագծի փոփոխություն կատարի:
Բնակիչները նկատեցին, որ կապ չունի, թե կառուցապատողը ով է, ում բարեկամն է, մինչև վերջ պայքարելու են շինության ծավալները հստակեցնելու համար: Նրանք նաև ասացին, որ Ռուբեն Գևորգյանը այցելել է իրենց և ասել, որ կառուցապատման հետ կապ չունի:
Մանրամասները՝ տեսանյութում:
