Մինչ վերջնականապես կավարտվեն սահմանադրական փոփոխությունների նախագծի աշխատանքներն ու այն ամբողջական տեսքով կներկայացվի հանրության դատին, քաղաքական կուլիսներում խոսակցություններ են տարածվում, որ նախագծի դեմ «ոչ»-ի ճակատը ձևավորելու է նախկին նախագահ Ռոբերտ Քոչարյանը՝ Հովիկ Աբրահամյանի թևի աջակցությամբ։ Այս տեղեկությունները լայնորեն տարածվում են, իսկ ընդդիմադիր դաշտը դեռ հստակ չի խոսում այդ փաստաթղթի դեմ համախմբման, պայքարի ու անելիքների մասին։ 2018-ին երկրի ղեկավարի պաշտոնում թեկնածուների մասին ընդդիմադիր դաշտից ևս դեռ խոսք չկա։
«Առաջին լրատվական»-ի հետ զրույցում ԱլԳ Քաղաքացիական հասարակության ֆորումի չորրորդ խմբի համակարգող, «Ժառանգություն» կուսակցության անդամ Հովսեփ Խուրշուդյանը ասում է, որ և՛ Քոչարյանը, և՛ Հովիկ Աբրահամյանը չեն կարող գլխավորել «ոչ»-ի պայքարը։ Նա պնդում է, որ տեսնում է այլ քաղաքացիական նախաձեռնությունների ու քաղաքական ուժերի համախմբում, լայն կոնսոլիդացիա այդ խայտառակ գործընթացի դեմ։
Հովսեփ Խուրշուդյանն ասում է, որ Սերժ Սարգսյանը ստում է, երբ ասում է, որ գալիք ընտրություններում չի առաջադրվելու ոչ ԱԺ ղեկավարի, ոչ վարչապետի, ոչ նախագահի պաշտոնում։ «Առնվազն նոր սահմանադրությամբ մնալով կուսակցության շտաբում, կուսակցության ղեկավարի պաշտոնում՝ կուսակցության գրասենյակից կղեկավարի երկիրը, քանի որ նոր սահմանադրությունը կուսակցապետության սահմանադրություն է, որտեղ վերջնականապես վերացնելու են քաղաքական կուսակցական համակարգը»։
Ավելին՝ տեսանյութում:
