ԱՄՆ-ի Հետախուզության դաշնային բյուրոյի (FBI) ներկայացուցիչները հայտարարել են, որ դուրս են եկել կողոպտիչների հետքի վրա և բացահայտել են ԱՄՆ-ի պատմության մեջ ամենախոշոր՝ 0.5 միլիարդ դոլարի թանգարանային կողոպուտը: Այս մասին հաղորդում է RIA Novosti-ն` վկայակոչելով տեղի ԶԼՄ-ները:
FBI-ի ներկայացուցիչները դեռևս չեն նշել գողության կասկածյալների անունները` հայտարարելով, որ ցանկանում են հասարակության ուշադրությունը գրավել կտավները փնտրելու գործին, քանի որ դրանք դեռևս չեն հայտնաբերվել: Քննիչները չեն բացառում, որ այդ կտավների տերերը նույնիսկ չեն կասկածում, որ մեծագույն վարպետների կտավները գողացված են:
Հանցագործների կամ գողացված կտավների մասին տեղեկատվության դեպքում սահմանվել է 5000 դոլար պարգևավճար:
Նշենք, որ 1990թ. մարտի 18-ին ոստիկանական համազգեստով երկու հանցագործ ներխուժել են Բոսթոնի Իզաբելլա Ստյուարթ Գարդների մասնավոր թանգարան և դուրս են բերել 13 կտավ, այդ թվում՝ Ռեմբրանդտի, Դեգայի, Մոնեի, Վերմերի գլուխգործոցները:
