ԱՄՆ նախագահ Բարաք Օբաման արձակուրդի մի մասը ծրագրում է նվիրել ընթերցանությանը՝ հաղորդում է Poitico պարբերականը: Նրա ընթերցելիք գրականության ցուցակում ընդգրկվել է 6 գիրք՝ գեղարվեստական ստեղծագործություններ, գիտական գրականություն, ինչպես նաև ֆանտաստիկայի ժանրով գրված գրքեր:
Այսպես. Օբաման ընտրել է Ջեյմս Սոլտերի «Այն ամենը, ինչ կա», Էնթոնի Դորի «Մեզ համար ողջ անտեսանելի աշխարհը» պատմավեպը, Էլիզաբեթ Քոլբերթի «Վեցերորդ բնաջնջում», Ջումփա Լահիրիի «Անփոփոխություն», ամերիկացի սևամորթ լրագրող Տա-Նեհիսի Կոուտսի «Աշխարհի և իմ միջև» գրքերը և Ռոն Չերնոուի կենսագրական աշխատանքը՝ «Վաշինգտոն: Կյանք»:
Պարբերականը հավակնոտ է համարում նախագահի՝ վերոնշյալ գրքերը արձակուրդի 16 օրերում կարդալու ծրագրերը, քանի որ, ըստ թերթի հաշվարկի, դրանցից յուրաքանչյուրի համար Օբաման 2.5 օր ունի:
