Երևի սա ճաշի սեղանների դարաշրջանի վերջնական ու անվերադարձ վախճանն է: Նոր հետազոտությունը ցույց է տվել, որ սննդի 10 ընդունումներից 6-ը տեղի է ունենում հեռուստացույցի առջև նստած, այն էլ՝ ոչ սեղանի մոտ: Միլիոնավոր ընտանիքներ խոհանոցային սեղաններ ունեն, բայց գերադասում են բազմոցին նստել, որպեսզի թուլանան ու հեռուստացույց դիտեն՝ համատեղելով այն սննդի ընդունման հետ: Մարդկանց 1/3-ը նույնիսկ չի խոսում ընտանիքի անդամների հետ հեռուստացույցի առաջ սնվելու ընթացքում:
Հետազոտողները հայտնաբերել են, որ մարդիկ շաբաթվա ընթացքում միջինը վեց անգամ սեղանի մոտ չեն նստում: Հետազոտությունը նաև ցույց է տվել, որ մարդկանց 45 %-ն ուղղակի չի վայելում սնունդը և նույնիսկ չի զգում համերը, քանի որ ամբողջ ուշադրությունը նվիրում է հեռուստացույցին:
80 %-ը վստահ է, որ հեռուստացույցը սննդի ընդունման անբաժանելի մասն է: 60 %-ն ընդունում է, որ 5 տարի առաջ իրենք ավելի հազվադեպ էին հեռուստացույցի առջև ընթրում: Նրանք, ովքեր հասկանում են, թե դա որքան տհաճ ու տգեղ է, հաճախ են ստում ընտանիքի անդամներին ու ընկերներին: 57 %-ը կցանկանար հրաժարվել այդ վատ սովորությունից:
