Հանրային ծառայությունների կարգավորման հանձնաժողովը աշխարհի լավագույն հինգ խորհրդատվական ընկերություններին հրավեր է ներկայացրել՝ քննարկելու՝ որքանով է հիմնավորված էլեկտրաէներգիայի սակագնի բարձրացումը, և ինչ հետևանքներ կարող էն լինել չբարձրանալու դեպքում։
Հանրային խորհրդի ներկայացուցիչ Արշակ Սադոյանը պահանջում է, որ ՀԾԿՀ-ում իրականացվի ոչ թե խորհրդատվական գործընթաց, այլ աուդիտի նման մի բան։ Բացի դրանից՝ պահանջում է, որ ուսումնասիրությունները կատարող խմբում ընդգրկվեն Հայաստանից մասնագետներ՝ քաղաքացիների ընտրությամբ, որպեսզի գործընթացը լինի թափանցիկ և արժանահավատ։
Այս կապակցությամբ հրավիրված քննարկմանը հանձնաժողովից մասնակցում էր ՀԾԿՀ ֆինանսական վերլուծության վարչության պետ Հայկ Ղոսալմյանը։
Վերջինս «Առաջին լրատվական»-ի հետ զրույցում հայտնեց, որ Սադոյանի առաջարկը կներկայացնի վերադասին, իսկ մինչ այդ չի կարող ասել, թե որքանով է հավանական, որ ընդգրկվեն հայաստանյան ներկայացուցիչներ։
Հետաքրքրվեցինք նաև, թե եթե տվյալ խորհրդատվական մարմինը պարզի, որ սակագնի բարձրացումը հիմնավորված չէ, ի՞նչ է սպասվում որոշում կայացնողներին՝ պաշտոնանկությո՞ւն, թե այլ պատիժ։
Ավելին՝ տեսանյութում։
