Իսրայելի վարչապետ Բենյամին Նեթանյահուին հաջողվել է համաձայություն ձեռք բերել նոր կոալիցիոն կառավարության ձևավորման շուրջ, հաղորդում է Reuters-ը:
«Կառավարությունը ձևավորված է»,- հայտարարել է վարչապետի մամուլի քարտուղարը:
Կոալիցիայի կողմից համաձայնագրի ստորագրման արարողությունը տեղի կունենա հինգշաբթի երեկոյան:
Նախնական տվյալներով՝ այս կառավարությունը զգալիորեն փոքր կլինի նախորդից. դրա մեջ վարչապետից բացի՝ կմտնեն 21 նախարար և մի քանի տեղակալ: Նեթանյահուն կպահպանի կառավարության ղեկավարի պաշտոնը, իսկ նրա «Լիկուդ» կուսակցությույնը կունենա 8 նախարար:
Ամենայն հավանականությամբ, երկար տարիների ընթացքում առաջին անգամ իշխող կոալիցիայի մեջ չեն մտնի ուլտրաաջ կուսակցությունները, այդ թվում դրանցից ամենամեծը՝ ՇԱՍ-ը:
Նոր կառավարությունն իր աշխատանքները կսկսի հաջորդ շաբաթ՝ ԱՄՆ նախագահ Բարաք Օբամայի այցից առաջ:
Ավելի վաղ Բենյամին Նեթանյահուին չէր հաջողվել իրեն հատկացված 28 օրվա ընթացքում կոալիցիոն կառավարություն ձևավորել, և նրան լրացուցիչ ժամանակ էր տրվել մինչև մարտի 16-ը:
