Եվրախորհրդի գլխավոր քարտուղար Թորբյորն Յագլանդը կոչ է արել կազմակերպության 9 անդամ պետություններին ստորագրել և վավերացնել Ստամբուլի կոնվենցիան Եվրոպայում կանանց անվտանգությունն ամրապնդելու նպատակով:
Ընտանիքում կանանց նկատմամբ բռնության պայքարի և նախազգուշացման մասին Եվրոպայի խորհրդի կամ Ստամբուլի կոնվենցիան ուժի մեջ է մտել 2014-ի օգոստոսի 1-ից:
Կոնվենցիան մարտակոչ է նետում սոցիալական տաբուներին, որոնք շատ երկար են թույլ տվել դաժան վերաբերվել անպաշտպան կանանց ու աղջիկներին, այն նաև կառավարությանը պարտավորեցնում է արգելել պարտադրված ամուսնությունները:
Ստամբուլի կոնվենցիայով պետությունները պարտավորվում են ոչ միայն պատասխանատվության ենթարկել բռնություն գործադրողներին, այլև աջակցել և պաշտպանել բռնության զոհերին:
«Դրա հետ կապված` կցանկանայի օգտվել առիթից և նշել 18 անդամ երկրին, որոնք ներառել են այս համաձայնագիրն իրենց ազգային օրենսդրությունում, և այն 20 պետություններին, որոնք ստորագրել են` վավերացնելու մտադրությամբ: Միայն 9 անդամ երկիր դեռ չի ստորագրել համաձայնագիրը` Հայաստանը, Ադրբեջանը, Բուլղարիան, Չեխիան, Իռլանդիան, Լատվիան, Լիխտեյնշտեյնը, Մոլդովան և Ռուսաստանի Դաշնությունը: Ես կոչ եմ անում նրանց անհապաղ անել դա»,- ասել է Յագլանդը:
