Առաջին կին տրանսգենդեր Քերոլայն Քոսեյը, ով հայտնվել է Playboy-ի էջերում, անկեղծ հարցազրույց է տվել` պատմելով իր կյանքի մասին, հայտնում է The Daily Mail-ը:
Մարդիկ սկսել են ավելի շատ հետաքրքրվել նրանց կյանքով, ովքեր ծնվել են «ոչ իրենց մարմնի մեջ», ինչի կապակցությամբ էլ Քերոլայն Քոսեյը որոշել է անկեղծանալ իր պատմությամբ: Նա հարցազրույց է տվել Cosmopolitan պարբերականին՝ պատմելով իր հասունացման ժամանակաշրջանի և ինքնասպանություն կատարելու փորձերի մասին:
Քերոլայնը ծնվել է տղա, սակայն վաղ տարիքից արդեն հասկացել է, որ սիրում է շրջազգեստ հագնել և տիկնիկով խաղալ: Իսկ միջին դպրոցում սկսել է նկատել, որ իրեն ձգում են միայն տղամարդիկ, ինչից հասկացել է, որ ինքը միասեռական է: Դրանից հետո նա սկսել է մտածել սեռը փոխելու մասին:
1974 թվականին վիրահատվել է և սկսել է իրեն փորձել մոդելային բիզնեսում: Նրա կարիերան սրընթաց վերելք է ապրել: Նա աշխատել է որպես կին-մոդել՝ թաքցնելով իր անցյալը:
Սակայն 1982 թվականին իրադրությունը կտրուկ փոխվել է, երբ հայտնի է դարձել, որ Քերոլայնը նախկինում տղա է եղել:
Նա կրկին ինքնասպանության փորձ է արել` ընկնելով դեպրեսիաների մեջ: Այդպես շարունակվել է մինչև 1991 թվականը, երբ իրադրությունը կրկին փոխվել է, այս անգամ նրա օգտին:
Playboy-ը կրկին նրան հրավիրել է նկարահանվելու, սակայն արդեն որպես կին-տրանսգենդեր:
Ներկայումս Քերոլայն Քոսեյը ամուսնացած է և համարում է, որ իր կյանքում ամեն ինչ ճիշտ է արել:
