«Հունիսի 23-ի դեպքերից հետո իշխանություններին ժողովուրդն իր արձագանքով ապացուցեց, որ ստրուկ չի, հպատակ չի և չի հանդուրժելու խաղաղ ցուցարարների նկատմամբ կիրառված բռնի ուժն ու սադրանքները»,- «Առաջին լրատվական»-ի հետ զրույցում ասաց ակտիվիստ Արամ Մանուկյանը՝ հավելելով, որ հասարակության լայն արձագանքը ոստիկանների գործողություններից հետո ցույց տվեց, որ պահանջատեր հասարակություն ունենք, որը չի վախենում իր իրավունքների համար պայքարելուց:
Արամ Մանուկյանը շեշտեց, որ հունիսի 23-ի լուսադեմի իրադարձությունները լավ է հիշում՝ ջրցան մեքենաների կիրառումից մինչև ակտիվիստների ծեծ, բերման ենթարկում, լրագրողների նկատմամբ ճնշում. «Բայց միևնույն է, իրենց նպատակներին չհասան, կոտրել հնարավոր չէր»,- մանրամասնեց նա:
Արամ Մանուկյանը նկատեց, որ իշխանությունների արձագանքից և գործողություններից հետո Էլեկտրաէներգիայի խնդրի մասով դժվար է ասել, որ պայքարում հաղթանակել են, քանի որ «իշխանությունները ժուլիկություն են արել, իրենց առաջարկը լուծում չէ, բայց կարևորն այն է, որ հասարակությունը հավատաց սեփական ուժերին»:
Արամ Մանուկյանը նկատեց, որ հասարկությունը հարկ եղած դեպքում կարող է միասնական ճակատ ստեղծել:
Մանրամասները՝ տեսանյութում
