Լեոնարդո Դի Կապրիոն ու նրա նոր ընկերուհի Քելի Ռորբախն առաջին անգամ լուսանկարիչների օբյեկտիվում էին հայտնվել ավելի քան մեկ ամիս առաջ, իսկ այս հանգստյան օրերին պապարացիներին կրկին հաջողվել է հետևել զույգին ու անել մի քանի կադր։ Այս մասին հայտնում է Spletnik.ru-ն։
Այս անգամ 40-ամյա դերասանն ու նրա 24-ամյա ընկերուհին միասին լքել են Մալիբուի ակումբներից մեկում անցկացված երեկույթը։ Ինչպես վկայում են լուսանկարները, Լեոն հավատարիմ է մնում իր ոճին՝ նա չի բաժանվում ջինսերից, գլխարկից ու մորուքից։ Եվ այնուամենայնիվ, Քելին պարզապես հիացած է նրանով և մշտապես գրկում է նրան։ Լեոյի ու Քելիի սիրավեպի մասին լուրերը տարածվել են ապրիլին՝ թեև դրանից մեկ տարի առաջ նրանց համատեղ տեսել են գիշերային ակումբում։
