Կոսմետոլոգ Էմ Ֆորդը տեսանյութ է նկարահանել, որում ցույց է տվել իր ֆոտոբլոգի բաժանորդագիրների խիստ արձագանքը, որն ընդհանուր սոցիումի արտացոլումն է: Հուլիսի 1-ին YouTube-ում հրապարակված տեսանյութը դիտվել է ավելի քան 1,5 մլն անգամ, հայտնում է korrespondent.net-ը:
Ֆորդը որոշել է սոցիալական փորձ կատարել: Ակնեով (մաշկի բորբոքային հիվանդություն) տառապող աջիկը սկսել է դիմահարդարումից առաջ և հետո արված լուսանկարներ հրապարակել, որոնցում պարզ երևում են մաշկի բոլոր թերությունները:
Այդպիսի հրապարակումների 3 ամսվա ընթացքում Էմը ստացել է մոտ 100.000 խիստ մեկնաբանություն, որոնցում մարդիկ ասել են. «Ես չեմ կարողանում նրան նայել», «Ի՞նչ է եղել նրա դեմքին», «Նրա դեմքը զզվելի տեսք ունի», «Նա երբևէ լվացվո՞ւմ է»:
Էմը ցույց է տվել, թե ինքդ քեզ ընկալելու հարցում որքան ուժեղ ազդեցություն է ունենում շրջապատի կարծիքը, որոշ դեպքերում օտար մարդկանց քննադատությունը կարող է ճակատագրական լինել ոչ ամուր հոգեբանությամբ մարդու համար:
«Կարևորագույն խնդիրներից մեկը, որին այսօր շատերը բախվում են, այն է, որ մենք վազում ենք կատարելության հետևից՝ մեր արտաքինը կանոնավորելով գեղեցկության չափանիշերի ներքո: Այդ վազքի ժամանակ շատերը մոռանում են շատ կարևոր բան՝ դուք հիասքանչ եք ձեզնով»,- ասում է Էմը:
