Իրանական Press TV հեռուստաալիքի փոխանցմամբ՝ Իրանը հայց կներկայացնի ԱՄՆ դեմ, եթե Վաշինգտոնը որոշի կալանել միջազգային օդանավակայաններում իրանական Mahan Air ավիաընկերության ինքնաթիռները:
ԱՄՆ-ը 2011 թվականի հոկտեմբերին պատժամիջոցներ է սահմանել Mahan Air ավիաընկերության նկատմամբ, ինչպես նաև Իրաքի ու ԱՄԷ-ի երկու ընկերությունների հանդեպ, որոնք ենթադրաբար Իրանին վաճառել են կոմերցիոն ինքնաթիռներ:
Ավելի ուշ ԱՄՆ իշխանությունները հայտարարել են, որ Mahan Air-ի ակտիվները ենթակա են արգելափակման և կարող են կալանվել: Mahan Air-ի ավիապարկը բաղկացած է մայիսին գնված 9 Airbus տիպի օդանավից:
Ավիաընկերությունը պլանավորում է առաջին չվերթներն իրականացնել առաջիկա շաբաթներին՝ դրա համար թույլտվություն ստանալուց հետո:
