«Սպանել ծաղրասարյակին» գրքի հեղինակ, 89-ամյա Հարփեր Լին կներառվի ԱՄՆ Ալաբամա նահանգի Գրողների փառքի սրահում: Այս մասին հայտնում է Associated Press-ը։
Լին կլինի այն 12 հեղինակներից մեկը, որոնք այսօր երեկոյան կհավերժացվեն Փառքի սրահում: Ավելի վաղ հաղորդվել էր, որ Հարփեր Լին հրատարակելու է «Սպանել ծաղրասարյակին» վեպի շարունակությունը «Գնա՛, պահապան դի՛ր» երկրորդ գիրքը:
«Սպանել ծաղրասարյակին» (To Kill a Mockingbird) վեպը հրատարակվել է 1960 թվականին և 1961 թվականին արժանացել Պուլիտցերյան մրցանակի: Այն ուսումնասիրում են ամերիկյան դպրոցների մեծ մասում (80 տոկոս):
