Հետազոտողները վերլուծության ենթարկելով 1.7 միլիոն հիվանդների տվյալները, որոնք բժիշկների օգնությանն են դիմել 1985-2013 թվականներին, հանգել են այն եզրակացության, որ մարդու ծննդյան ամիսը մեծապես կապված է այս կամ այն հիվանդության առաջացման հետ: Այս մասին հայտնում է Gazeta.ru-ն։
Նրանք տառապել են 1688 տարբեր հիվանդություններով: Հետազոտողները պարզել են, որ ծնված ամիսը կապ ունի նրանց առողջական վիճակի հետ: Գիտնականներն իրենց կատարած աշխատանքի արդյունքները հրապարակել են The Journal of the American Medical Informatics Association-ում:
Նրանք պնդում են, որ վիճակագրության համաձայն՝ հիվանդների մոտ հայտնաբերված ավելի քան 1500 հիվանդություններից 55-ի զարգացման ռիսկը կախված է մարդու ծծդյան ամսից: Ըստ այդմ՝ ամենալավ առողջությունն ունեն մայիսին ծնվածները:
Օրինակ՝ բժիշկները պարզել են, որ ասթմայով հիվանդանալու ամենամեծ ռիսկի տակ են հուլիսին ու հոկտեմբերին ծնվածները, սրտային անբավարարությունից սովորաբար տառապում են մարտին ծնվածները:
Գիտնականները պնդում են, որ ամենաամուր առողջությունն ունեն մայիսին ծնվածները, իսկ ամենից հաճախ բժիշկների օգնությանն են սովորաբար դիմում հոկտեմբերին ծնվածները:
