Թուրքական Sabah թերթի փոխանցմամբ` Թուրքիայում արդեն իսկ հաշվարկել են խորհրդարանական ընտրությունների քվեների 99 տոկոսը:
Իշխող «Արդարություն և զարգացում» կուսակցությունը (ԱԶԿ) հավաքում է քվեների 40.93 տոկոսը (18.371.230 քվե), հիմնական ընդդիմադիր ուժ Ժողովրդա-հանրապետական կուսակցությունը` 25.2 տոկոսը (11.308.206 քվե), «Ազգայնական շարժում» կուսակցությունը (ԱՇԿ)` 16.49 տոկոսը (7.401.230 քվե), քրդամետ «Ժողովուրդների դեմոկրատական» կուսակցությունը (ԺԴԿ)` 12.64 տոկոսը (5.674.160 քվե), մնացյալ կուսակցությունները` 4.73 տոկոսը (2.127.538 քվե):
Ինչ վերաբերում է թուրքական կուսակցությունների կողմից առաջադրված հայ թեկնածուներին, ապա Գարո Պալյանը, որի թեկնածությունն առաջադրել է քրդամետ «Ժողովուրդների դեմոկրատական» կուսակցությունը (HDP), Ստամբուլ 3 ընտրատարածքից ընտրվել է պատգամավոր:
ԱԶԿ-ի կողմից առաջադրված Մարգար Եսայանը Ստամբուլ 2 ընտրատարածքում ընտրվել է պատգամավոր:
Նույն ընտրատարածքում ընտրվել է նաև ԺՀԿ-ի կողմից առաջադրված Սելինա Օզուզունը:
