Հյուսիսային Իռլանդիայում մեկնարկել է Top Gear-ի նախկին առաջատար հաղորդավարների՝ Ջերեմի Քլարքսոնի, Ռիչարդ Համոնդի ու Ջեյմս Մեյի համաշխարհային շրջագայությունը: Առաջին ելույթը կայացել է Բելֆաստում մայիսի 22-ին, հայտնում է Belfast Telegraph-ը:
Քլարքսոնը հայտնվել է բեմին տրանսպորտային միջոցով «Ռոկկի» ֆիմի Eye of the Tiger երգի ներքո ու բղավել է. «Ես այստեղ եմ»: Այս մասին հայտնում է The Telegraph-ը:
Բելֆաստից հետո Top Gear-ի նախկին հաղորդավարները հանդես կգան Շեֆիլդում, Յոհաննեսբուրգում, Ստավանգերում: Հուլիսին նրանք հանդես կգան Սիդնեյում ու Պերտում, իսկ նոյեմբերին Լոնդոնի՝ «О2» մարզադաշտում:
Ավելի վաղ շոուի կազմակերպիչները բացահայտել էին շոուի որոշ մանրամասներ: «90-րոպեանոց ներկայացման մեջ ներգրավված են գեղեցիկ ավտոմեքենաներ, որոնցով հաղորդավարները կցուցադրեն գեղեցիկ տրյուկներ: Շոուն կուղեկցվի կատակներով, որոնց համար երկրպագուները սիրել են այդ եռյակին»,- նրա խոսքերը մեջբերել են The Guardian-ը:
