ՀԱԿ խմբակցության պատգամավոր Նիկոլ Փաշինյանը կառավարության մոտ նստացույց անող նաիրիտցիների ներկայությամբ հեռախոսով խոսեց ՀՀ էներգետիկայի և բնական պաշարների նախարար Երվանդ Զախարյանի հետ՝ ցանկանալով պարզել, թե երբ գործարանի աշխատակիցների աշխատավարձերի պարտքը կմարվի, քանի որ Երվանդ Զախարյանը հայտարարել էր, որ պարտքը կմարեն, երբ «Նաիրիտ»-ի բաժնետոմսերը միջպետական բանկից գնվեն և տրվեն կառավարությանը, իսկ գործընթացն արդեն իսկ սկսվել է: Պատգամավորը հայտարարեց, որ Զախարյանը խոստացել է, որ պարտք կմարվի միջև տարեվերջ՝ փուլային տարբերակով, երբ բաժնետոմսերը վերադարձվեն կառավարությանը:
Նաիրիտցիները շեշտեցին, որ Զախարյանը ստում է, քանի որ այդպիսի խոստումներ շատ են լսել, բայց դրանք ի կատար չեն ածվել: Նրանք Նիկոլ Փաշինյանին նաև հարցրեցին` ինչո՞ւ 130-ից ավելի պատգմավորները մի օր գործարան չեն այցելել՝ իրենց ճակատագրով, աշխատանքով հետաքրքրվելու համար, որպեսզի հիմա կարողանային փաստերով խոսել: Նաիրիտցիները զարմացած էին, որ իրենց այդքան ուշ են հիշել:
Մանրամասները՝ տեսանյութում
