Ռադիոէլեկտրոնային պայքարի ռուս մասնագետները Հայաստանի լեռներում զորավարժությունների ժամանակ մշակում են պայմանական հակառակորդի ռադիոճնշում: Այս մասին հայտնում է RIA Novosti-ն՝ հղում անելով Հարավային ռազմական օկրուգի մամլո ծառայությանը:
«Հայաստանի Հանրապետությունում Հարավային ռազմական օկրուգի ռուսական ռազմաբազայում սկսվել է ուսումնամեթոդական հավաք ռադիոէլեկտրոնային պայքարի մասնագետների հետ, որոնք կրկին ժամանել են: Պարապմունքների ընթացքում նորակոչիկները կմշակեն պայմանական հակառակորդի կապի ռադիոցանցերի ճնշման հարցերը»,- ասվում է հաղորդագրության մեջ:
3 օրում հավաքի մասնակիցների հետ կանցկացվի հատուկ դասընթաց՝ ուսումնասիրելու Հարավային ռազմական օկրուգի ռուսական ռազմաբազայում ստացվող ժամանակակից զենքն և մարտական տեխնիկան, դրանց հնարավորությունները և շահագործման կարգը բարձր լեռնային և ծովի մակարդակից ավելի քան 2 000 մ բարձրության վրա՝ շոգ կլիմայի պայմաններում՝ նշել են օկրուգում:
Զինծառայողները գործնականում կմշակեն ռադիոմիջամտության կայանների տեղակայման հարցեր, կանցկացնեն ստացված տեղեկության հավաքագրում և վերլուծություն, որից հետո ռադիոմիջամտություններ կտեղակայեն պայմանական հակառակորդի կապի համակարգի խախտման համար:
«Հավաքների ժամանակ զինծառայողները պետք է 30 կմ շառավղով հայտնաբերեն, ռադիոալիքների միջոցով գտնեն և խլացնեն բջջային և արբանյակային կապի ավելի քան 2000 ազդանշան՝ միջամտության ավտոմատացված կայանների օգտագործմամբ»,- նշել են Հարավային ռազմական օկրուգում:
