Քեմփ Դևիդի բանակցություններին չմասնակցելու Սաուդյան Արաբիայի թագավորի որոշումը «կապված չէ այդ հանդիպման օրակարգի հետ»: Այս մասին ճեպազրույցի ժամանակ լրագրողներին հավատացրել է Սպիտակ տան մամլո քարտուղար Ջոշ Էրնեստը, գրում է TASS-ը:
Նա իր համոզմունքն է հայտնել, որ Էր-Ռիյադը կայանալիք հանդիպմանը կներկայացնի թագաժառանգ արքայազնը, ինչպես նաև նրա օգնականը՝ իշխող միապետի որդին:
Սաուդյան թագավորի ծրագրերի փոփոխության վերաբերյալ հարցերով Էրնեստն առաջարկել է դիմել հենց միապետի գրասենյակ: Իր կողմից նա նշել է, որ մինչև այժմ Էր-Ռիյադը պլանավորված հանդիպման վերաբերյալ միայն դրական վերաբերմունք է արտահայտել:
«Օրակարգի վերաբերյալ անհանգստություններ չեն արտահայտվել ոչ պլանների փոփոխումից առաջ, և ոչ էլ դրանից հետո»,- ասել է մամլո քարտուղարը: «Եթե ազդանշան է տրվել, մենք դա չենք լսել»,- ավելացրել է նա՝ ի նկատի ունենալով քաղաքական ազդանշանը, որն արտահայտվել է թագավորի մերժմամբ:
