Բրիտանական կինոակադեմիայի և հեռուստատեսային արվեստի (BAFTA) մրցանակը «Տղամարդու լավագույն դեր» անվանակարգում բաժին է ընկել դերասան Ջեյսոն Ուոթքինսին՝ «Կորցրած պատիվ» ֆիլմում դերակատարման համար: Այս մասին հայտարարվել է Լոնդոնում արարողության ժամանակ՝ գրում է TASS-ը: Մրցանակը տրվում է հետուստաոլորտում ունեցած ձեռքբերումների համար։
«Կնոջ լավագույն դեր» անվանակարգում մրցանակին արժանացել է դերասանուհի Ջորջինա Քեմփբելը՝ «Սպանված իմ ընկերոջ կողմից» ֆիլմի համար:
Երկրորդ պլանի տղամարդու լավագույն դերի համար մրցանակը ստացել է Սթիվեն Ռին՝ «Վեհանձն կինը» ֆիլմի համար: Երկրորդ պլանի կնոջ լավագույն դերի մրցանակին արժանացել է դերասանուհի Ջեմա Ջոնսը՝ «Սքանչելի» ֆիլմի համար:
Լավագույն արտասահմանյան սերիալ է ճանաչվել «Իսկական դետեկտիվ»-ը:
Բրիտանական Radio Times-ի կողմից սահմանված՝ «Հանդիսատեսի համակրանք» անվանակարգում մրցանակը բաժին է ընկել «Շերլոք» սերիալին, որտեղ գլխավոր դերը կատարում է Բենեդիկտ Քամբերբեթչը։
