Հայաստանը և Ադրբեջանը Ռիգայում, «Արևելյան գործընկերության» գագաթնաժողովի ընթացքում կքննարկեն Լեռնային Ղարաբաղի հակամարտությունը, որը տեղի կունենա մայիսի 21-22-ը: Այս մասին գրում է RIA Novosti-ն` վկայակոչելով ԵՄ ներկայացուցչին:
«Լենռային Ղարաբաղի շուրջ գոյություն ունի, այսպես կոչված, Մինսկի գործընթացը, որտեղ նախագահում է մեր անդամ երկրներից Ֆրանսիան, ինչպես նաև Ռուսաստանն ու ԱՄՆ-ը: Նրանք կկազմակերպեն երկու երկրների նախագահների և արտգործնախարարների հանդիպումը: Ռիգայում նախագահների կամ արտգործնախարարների ևս մեկ հանդիպում տեղի կունենա: Դա այն քիչ գործընթացներից է, որտեղ Եվրամիությունը չի մասնակցում»,- ասել է ԵՄ ներկայացուցիչը:
«Մենք ամբողջությամբ վստահ ենք ռուս, ամերիկացի և ֆրանսիացի գործընկերների` իրենց ուժերի սահմաններում ամեն ինչ անելու ջանքերին: Սակայն, դժբախտաբար դա շատ բարդ հարց է»,- ասել է պաշտոնյան:
